صور مدينة الكردي فيديو علي اليوتيوب

الدرس الثالث
كتابه برنامجك الاول

طبعا في ناس ابتدت تزهق من اللي فات بس كان مهم انك تحس بنوع من الالفه بينك وبين بيئه تطوير الفيجوال بيزيك

هنبتدي من هنا كتابه الاكوادبس لازم نخلي بالنا ان دا اهم برنامج بالنسبالنا هنستفيد منه

1-خبره التعامل مع شاشه الكود

2-معرفه الخطوات الاساسيه في انشاء برنامج
3-العبور لمرحله التفكير البرمجي

الخطوات السليمه لبناء برنامج:

فكره البرنامج

فكره البرنامج ليس لها علاقه بلغه البرمجه ولا نظام التشغيل

هنتكلم سريعا عن يعني ايه برنامج

لاننا هنقف كتير مع الموضوع دا فيما بعد

البرنامج هو وسيله لحل مشكله

مثلا لو في واحد باكستاني او هندي
شغال معانا و محتاجينه يعمل حاجه معينه لازم اقولهاله بلغته عشان ينجز
الحاجه دي يبقي لازم اعرف اتكلم هندي

بنفس تسلسل الافكار الشخص الهندي
دا هو الكمبيوتر اللي ليه لغه مختلفه وانا محتاج منه يحل حاجه معينه بس
عشان هو يفهمني لازم اقولهاله بلغه يفهمها

اللغه دي هي لغه البرمجه واحنا هنا اختارنا الفيجوال كلغه....

انشاء المشروع

نبدأ بانشاء المشروع
والتالي لازم تبقي خطوات اي مشروع هتعمله

1-لازم نعمل مجلد جديد للمشروع ونكتب عليه اسم المشروع
2-افتح الفيجوال بيزيك ستظهر لك نافذه New Project او من قائمه File
3-حدد نوع المشروع Standard.exe
وهو دا نوع المشاريع اللي بتشتغل تحت بيئه الويندوز وبعد ترجمتها تكون ملفاتها EXE
4-من قائمه View اختار Project1 Properties ومن هنا اكتب اسم مناسب للمشروع في خانه النص Project Name
وليكن اسم المشروع MyFirstProgram
5-بعد كدا اختار Save as وحدد مكان المجلد اللي انت عملته لمشروع واعمل حفظ
وبعد ما تحفظ كل الملفات اقفل البرنامج وافتحه من جوا المجلد – وهنعرف سبب دا بعدين

تصميم الواجهه

دا بقي زوقك كمبرمج ازاي هترتب الادوات وهترتبها

المهمان برنامجنا بتاع النهارده هنحتاج علي الفورمه التالي:

·اداه عنوان Label
·زر اوامر CommandButton
·اتنين صندوق نص TextBoxes
·الاداه Line لرسم خط

هتختار كل الادوات دي من صندوق الادوات وهتحطها علي الفورمه
ولو مش عارف الاداه لو وقفت علي الاداه بالماوس من غير ما تدوس هيكتب اسمها
وساعتها دوس عليها دوسه واحده وبعدين روح ارسمها علي الفورمه
رتب الادوات بشكل مناسب علي الفورمه بحيث تكون شبيهه بالشكل دا او كما تريد

تعليم الفيجوال بيزيك (الدرس الثالث) 13mv9

تعليم الفيجوال بيزيك (الدرس الثالث) 13mv9

وفيه ملحوظة صغيرة :
بالنسبة لاختيار اسماء الادوات ك زر التحكم command
button او ال صندوق الكتابة Textbox او اى كانت الاداة لك الحرية كاملة فى
اختيار اسماءهم بشرط عند كتابة الكود يكتب بنفس الاسم المطلق على الاداة

مثلا اختارنا زر Command واطلقنا عليه اسم Cmd او Commander على سبيل المثال يجب ان يستخدم فى
الكود بنفس الاسم وايضا ك .cmd او .commander لكن لو فرضنا ان اسمه command1 و عند كتابة الكود كتب cmd و نكتب "." بالتاكيد لن تظهر قائمة خصائص الاداة لان اسمها غير ذلك كذلك الحال على كل الادوات وليس هذا فقط

كتابه التعليمات

بعد لما خلصنا الواجهه نبدأ بكتابه الكود

منطقي جدا واحنا بنصمم برنامج نعرف الاحداث هتحصل امتي
باين من التصميم ان البرنامج معمول عشان يضرب رقمين في بعض
طيب دا هيحصل امتي ( وهوا دا الحدث ) هيحصل لما ندوس علي الزرار مره واحده
يبقي نيجي علي الزر وندوس ضغط مزدوج هيفتحلنا صفحه الكود
وهنلاقيها بالمنظر التالي

تعليم الفيجوال بيزيك (الدرس الثالث) 23um5

تعليم الفيجوال بيزيك (الدرس الثالث) 23um5

تعليم الفيجوال بيزيك (الدرس الثالث) 33xn7ow6

بعد مارتبت الادوات زى اللى فى الشكل اللى فات هنبدأ نظبط الخصائص هنحدد الاداه بالضغط علي

كود PHP:

Private Sub cmdMultiply_Click()

End Sub

كدا اي كود هيتكتب بين السطرين دول هيتنفذ لما نضغط علي الزر

كود PHP:

Private Sub cmdMultiply_Click()
lblProduct.Caption = Val(txtFirst.Text) * Val(txtSecond.Text)
End Sub

طبعا احنا لسة مقربناش
ناحية الكود لسة دى تجربة عشان تعرف ازاى الكود بيتكتب ويتكتب فين وازاى
لما تضغط على اداة تنفذ كود ليس الا ولكن لسة مش حنيجى ناحية اى كود شرح
الاكواد بالتفصيل فى الدروس التالية

التجربه والتعديل

قم بالضغط علي F5 لعمل Run للبرنامج

هتظهر ليك الفورمه قم بتجربه البرنامج اكتب رقم في الخانه الاولي ورقم في الخانه التانيه ودوس علي الزرار

وهتلاقي النتيجه طلعت تحت الخط في اداه العنوان

شرح الكود من الناحيه المنطقيه هيكون في جزء الاستفسارات

طب نفترض واحد جه وراح كاتب حروف طبعا البرنامج مش هيطلع حاجه

كل دا والاخطاء اللي ممكن تقابلك هنقابله قدام

الترجمة

الترجمه هي عمليه تحويل البرنامج الي ملف تنفيذي اي EXE

ودا بيحصل عن طريق اختيار Make MyFirstProgram.exe
من قائمه File

ميزه عمليه الترجمه

هي امكانيه تنفيذ البرنامج علي اي جهاز يحمل نظام ويندوز ضمن ملفاته يعنى ممكن تعمل البرنامج وواحد صاحبك هو اللى يشغله ويستعمله

شرط وجود بعض المكتبات ودي برضه حاجه هنتكلم فيها بعدين

بكدا نكون انتهينا من الدرسين التاني والتالت ، ان شاء الله الاسئله هتكون مجمعه للدرسين وهتضاف مع حلول الدرس الاول

ارجو الاهتمام بالدرسين دول

لديك قسم الاستفسارات

اي سؤال يخطر ببالك اسال وانا والمشرفين وكل اللي متابعين الموضوع تحت امرك

اخر حاجه بطلب تنفيذ ما طلبته من متابعه موضوع البرمجه من خلال الفيجوال بيزيك 6

اول ثلاث صفحات اللى موجود رابطهم فى اول الدرس التانى

احنا اتفقنا ان البحث اهم وسائل التعلم و بالتوفيق بأذن الله

لو حد واجهته اي مشكله في الاسلوب او سرعه الشرح

ياريت يبلغنا واحنا سهل جدا نقسم الشرح شكرا ليكوا مره تانيه وبالتوفيق للجميع