مواضيع مماثلة
التوقيت المحلي لمدينة الكردي
دخول
المواضيع الأخيرة
» تقسيم المشتركين على خطين انترنت الميكروتيكمن طرف hussain2023 الثلاثاء 25 أبريل - 19:54
» ميدان المجمع الكردي
من طرف محمود الحفني محمد الخميس 17 سبتمبر - 3:23
» طريقة ربط جهازين كميبوتر او اكثر وانشاء شبكه داخليه بينهما في بعض الاحيان تحتاج لعمل شبكه بين جهازين وذلك لنقل الملفات من جهاز الي جهاز اخر
من طرف محمود الحفني محمد الإثنين 24 أغسطس - 3:14
» عرض اليوم 24/8/2015 جهاز اتش بي
من طرف محمود الحفني محمد الإثنين 24 أغسطس - 2:41
» ازمة الانابيب
من طرف محمود الحفني محمد الجمعة 13 مارس - 3:24
» اسكربت دمج 3 خطوط ان تي اتش بريدج nth
من طرف محمود الحفني محمد الثلاثاء 10 مارس - 3:51
» البرنامج العملاق لسحب واستعادة تعريفات الجهاز DriverMax 7.52 بحجم 6 ميجا تحميل مباشر وعلى اكثر من سيرفر .
من طرف محمود الحفني محمد الثلاثاء 10 مارس - 3:27
» إصابة 3 عمال في انفجار تقني بمحطة كهرباء طلخا
من طرف محمود الحفني محمد الإثنين 9 مارس - 2:45
» إصابة 3 عمال في انفجار تقني بمحطة كهرباء طلخا
من طرف محمود الحفني محمد الإثنين 9 مارس - 2:42
» البقاء والدوام لله الحاح / محمود ريحان في زمة الله اللهم ارحمه واغفر له
من طرف محمود الحفني محمد الخميس 5 مارس - 2:01
تعليم الفيجوال بيزيك (الدرس الاول)
صفحة 1 من اصل 1
تعليم الفيجوال بيزيك (الدرس الاول)
الدرس الاول
بيئه التطوير المتكامله IDE
Integrated Development Environment
لما تشغل برنامج الفيجوال لاول مره
تواجهك لاول مره نافذه فيها حاجات كتير ، ممكن تخضك شويه في الاول بس بعد
شويه هتعشق هذه الشاشه اللي هتقضي فيها ساعات وايام متتاليه من عمرك
هذه البيئه بتقدملك مميزات كتيره
هنتعرف عليها واحده واحده
شكل 1-1 بيئه التطوير المتكامله
قدامك في الشاشه مجموعه نوافذ صغيره ومجموعه من القوائم ومجموعه من الادوات يطلق عليها شريط الادوات
هنبتدي الاول بمجموعه النوافذ
1- نافذه مشروع جديد: New Project
اول شاشه بتقابلك لما تفتح الفيجوال بيزيك لاول مره ومنها تقدر تختار نوع المشروع ( هنشتغل غالبا بالنوع Standard EXE )
وتقدر تلغي ظهورها كل مره من الاختيار
Don't show this dialog in the future
ودا شكل النافذه
شكل 2-1 نافذه مشروع جديد
وان شاء الله مع تقدم المستوي هنبقي نتكلم عن باقي الاختيارات
2-نافذه مصمم النماذج: Form Designer
تعتبر منصه العمل بتاعتك او بصوره اوضح هي دي الورشه بتاعتك اللي هتحط عليها النموذج اللي هتشتغل بيه
ما علينا الا اننا نختار الاداه اللي احنا عايزينها من شريط الادوات
ونحطها علي النموذج بتاعنا وبعدين نظبط خصائص الاداه اللي احنا اخترناها وبكدا نكون قدرنا نعمل نموذج زي اللي بنشوفه في اي برنامج
شكل 3-1 نافذه مصمم النماذج
3-نافذه شريط الادوات:Toolbox
في هذه النافذه هتلاقي الادوات الاساسيه وتقريبا عددهم عشرين اداه
وفيه الاداه الاولي اللي علي شكل سهم
دي هدفها الغاء اي اداه احنا اخترناها ودي عمليه بتحصل تلقائيا
شكل 4-1 شريط الادوات
تقدر كمان تقسم الادوات اللي قدامك الي مجموعات عن طريق الضغط بالزر
الايمن للماوس مره واحده هتظهر ليك قائمه هتختار منها Add tab هيطلب منك
انك تكتب لها اسم
بس كدا انتا قدرت تعمل مجموعه خاصه من الادوات
اما عمليه تنظيم الادوات فتقدر تسحب الاداه من الجزء الاعلي وتلقيها في الجزء الجديد زي ما بتنقل ملفاتك
واذا كنت عايز تحذفها برده هتقف بالماوس علي المجموعه نفسها وتختار Delete Tab
لكن احنا منقدرش نمسح المجموعه الرئيسيه
4-نافذه الخصائص :Properties windows
بعد لما تحط الادوات علي النافذه تروح علطول لشاشه الخصائص
ومنها هتقدر تتحكم في كل خصائص الاداه او حتي النافذه نفسها
من الخصائص دي الحجم واللون والاسم و...... و......
في اعلي هذ النافذه هتلاقي صندوق فيه سهم ممكن تضغط عليه بيفتحلك قايمه بنسميه في عالم الفيجوال بال Combo box
في الصندوق دا هتلاقي كل الادوات اللي انتا استخدمتها
وتقدر تختار طريقه ترتيب الخصائص جوا النافذه دي اما بالترتيب الابجدي او Categorized
وجوا الجدول نفسه علي الشمال بتلاقي اسم الخاصيه
اما اليمين فهو القيمه بتاعتها
شكل 5-1 نافذه الخصائص
تلاحظ كمان ان البرنامج اساسا بيكتبلك معلومات عن الاداه اللي انت هتقف عليها
5-شاشه محرر الاكواد:Code window
من هنا هتبتدي اجمل رحله عذاب ومعاناه
من هنا بدايه اكبر قصه حب وكره
الشاشه دي هي المخصصه لكتابه اوامر اللغه نفسها ومحرر الاكواد في فيجوال
بيزيك 6 واحد من اذكي المحررات البرمجيه فعلا يساعدك عشان تبدع علي كيفك
تظهر لك هذه النافذه عن طريق الضغط F7 او الضغط المزدوج علي النافذه نفسها
هتلاقي فيها اتنين كومبو بوكس الاول بيختار الاجراءات والدوال
اما اللي علي اليمين فدا خاص بالاحداث المرتبطه بما اخترته من القائمه الاولي
شكل 6-1 نافذه محرر الاكواد
6-نافذه مخطط النموذج Form Layout
بتعرفك حجم النموذج بتاعك ومكانها وتقدر تسحب الفورمه نفسها ( اللي هيا النموذج يعني ) وتحطها في الموضع اللي انتا عايزه
ودي هتلاقيها في اسفل يمين الشاشه
شكل 7-1 نافذه مخطط النموذج
7-نافذه مستكشف المشروع :Project Explorer
هتلاقيها في اعلي يمين الشاشه وفايدتها بتبان لما بتزيد عدد ملفات المشروع بتاعك فبتقسمها لمجموعات وبترتبها حسب الترتيب الابجدي
شكل 8-1 نافذه مستكشف المشروع
8- نافذه موجه الاوامر: Immediate Window
لو انت عايز تختبر امر معين ومش عايز تكتبه ع الفورم
تقدر تجربه من هنا من هذه الشاشه بحيث انك تكتب الامر وتدوس Enter للتنفيذ
وتقدر تجيب النافذه دي من قائمه View
شكل 9-1 نافذه موجه الاوامر
9- نافذه مستعرض الكائنات:Object browser
دا موضوع هنجيله قدام لانها تخص المكتبات
10- نافذه المتغيرات المحليه Local window
11- نافذه المراقبه Watches Window
12- نافذه استدعاء الاجراءات Call Strack
13- نافذه عرض البيانات Data View
القوائم الخمسه الاخيره خاصه بالمراحل المتقدمه
وسوف يتم ذكر كل منها في وقته
بكدا نكون انتهينا من الدرس الاول
مستني اسئلتكوا
[center]اسئله الباب الاول
1- اذكر :
أ- نافذه موجه الاوامر
ب- كيفيه عمل مجموعه خاصه من الادوات
ج- ثلاث انواع من المشاريع الممكن عملها من خلال الفيجوال بيزيك
د- كيفيه الوصول لشاشه محرر الاكواد
2- المشروع:
اول درسين لاننا خارج محرر الاكواد لسه مش هنعمل مشروع ولكن المطلوب الاتي :
ماهو المشروع الذي تتمني تنفيذه
المطلوب رسم هذا البرنامج بمجموعه الادوات وارساله علي الخاص
[/center]
محمود الحفني محمد- المشرف العام علي المنتدي
- عدد المساهمات : 2986
نقاط : 7823
تاريخ التسجيل : 18/06/2010
العمر : 43
الموقع : الكردي
مواضيع مماثلة
» تعليم الفيجوال بيزيك (الدرس الثاني)
» تعليم الفيجوال بيزيك (الدرس الرابع)
» اسئله الدرس الرابع فيجوال بيزيك
» تعليم الفيجوال بيزيك (الدرس الرابع)
» اسئله الدرس الرابع فيجوال بيزيك
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى