حل اغلب المشاكل الخاصة بالالعاب والبرامج والافلام "شرح مبسط للمبتدئين " فقط علي فيوتشر الكردي

احب ان اقول اننى قد قررت عمل هذا الموضوع " للمبتدئين فى عالم الانترنت والكمبيوتر "بعد ان لاحظت من خلال ردود الاعضاء وخاصة عندما يكون الموضوع متعلق بلعبة او برنامج ان هناك الكثير من الارتباك عند تحميلهم الالعاب ...وهناك الكثيرون من يشتكون ان اللعبة لا تعمل ..او البرنامج لا يريد التسطيب ..ويندمون على الوقت الضائع فى تحميل اشياء لا تعمل عل اجهزتهم ...ويكون هناك الكثير من الغضب على صاحب الموضوع لرفعه اشياء غريبة لا تعمل على الجهاز الخاص بهم ...
لذلك قررت ان انشر بعض الاخطاء والمشاكل الخاصة بهذه النوعية من العاب وبرامج وافلام .....
ومن خبرتى الضئيله بعالم الانترنت هنحاول نعرض المشاكل وحلولها والوقايه حتى من اخطاء قد نقع فيها اثناء تحميلنا شيئا على الجهاز .....
اولا احب ابتدى بمشاكل عامة تواجهنا :
عند تفكيرك فى تحميل ملفا ما "لعبة _برنامج _فيلم " فهناك طبعا المنتديات المتخصصة فى كل مجال ..وهذا واضح وياتى بعد ذلك كيفية التحميل ...
السيرفرات اللى ممكن تحمل منها محدودة ويجب ان تختار السيرفر بعنايه ..ويجب ملاحظة ان كل سيرفر له مميزات وعيوب ...مثلا سيرفر الرابيد شير "rapidshare " هو سيرفر لا يحبذ التعامل معة الا فى ثلاث حالات ..
الحالة الاولى انك تكون عندك عضويه ذهبية ..وفى الحالة دى محدش قدك ..اعمل اللى انت عايزه ..
الحاله الثانية ان انت تكون واثق ان انت هاتحمل منه ملف واحد ..لان بعد كده بيطلب منك الانتظار عدد معين من الدقائق عند انتهاء التحميل الاول ...وعدد اكبر عند تحميل الثانى ...وهكذا ...

الحالة الثالثه ..ان يكون عندك صبر ايوب ....وده اللى ما اعتقد ان حد يستحمل دقائق الانتظار ...
..هذا السيرفر لا يدعم استكمال التحميل الا فى حالة العضوية الذهبية ....
وناتى فى حاله اخرى نجد ان هذه السيرفرات اذا تواجدت فى الموضوع يحبذ ان تحمل منها ....
Mediafire-------fileflyer--------ifile---Amonshare
طب ليه ...؟اقولك ليه ..لان هذه السيرفرات بها ميزات معينه وهى عدد التحميل المجانى الكبير ..لا توقف ...وامكانيه استكمال التحميل ..ودى ميزه هاقولها بعدين "غير ميزة ان لو الخط انقطع ممكن تكمل التحميل "
ولكن هناك علامات استفهام كبيره حول mediafire اليومين دول .. ليه ؟... قولتلى ليه ... لان ممكن عند انتهاء التحميل خاصة لو انت بتحمل ملف مضغوط ..وجيت فكيت الضغط عنه هاتلاقى فى رساله بتطلعلك من برنامج الوين رار ...الملف كذا معطوب ...يعنى ايه ؟؟ ... يعنى تحمل الملف ده من جديد.. وتحذف الملف المعطوب .. طب ايه السبب ؟؟. بسبب الضغط على الموقع ...." ملاحظه الموضوع ده مش دايما بيحصل ... لكن ممكن يحصل "
...وصلنا لغايه تحميل الملف ..هنا بقى ينصح وبشده التحميل بالidm ......هنا بقى هانعرف ازاى ممكن نستفاد من السيرفرات ذات امكانية استكمال التحميل .... لو انت بتحمل ملفات كثيرة..
قبل ماتدوس على كلمه "تحميل " ارجو منك ان تفتح البرنامج "idm " وهنتابع مع بعض الشرح....
اولا نفتح ptions ..."خيارات "
ثانيا نفتح : downloads...."تحميلات "

ثالثا نشيل الصح من امام start downloadig immediately while displaying "download file info "dialog...
اى : بدء التحميل فورا عند ظهور لوحة "معلومات الملف المحمل "
بعد كده ok ...
تمام كده .....
هنا لما تدخل الموقع وتحمل الملف ...البرنامج هايظهرلك ثلاث خيارات ..
cancel ...........start download ...........download later
هنختار download later .....وهكذا مع كل ملف نختار نفس الخيار .....
كام ملف انتا عاوز تحمله ؟؟...اللى انت عاوزه ...المهم بعد كده نروح لواجهة البرنامج ... ونختار scheduer


وبعد كده هنلاقى واجهة فيها خيارات جميلة مثل متى تريد ايقاف البرنامج ..وهل تريد ايقاف البرنامج بمجرد انتهاء جميع التحميلات ...دى لو عايزالجهاز يحمل لوحده وبعد الانتهاء يطفى لوحد ...قضى مشاويرك ونام زى ما انت عايز ...البرنامج شغال لوحده .....



لكن احنا نختار اللى جنبها هنلاقى Files in the queue



وهيديك خيار تحميل كام ملف فى نفس اللحظه ...يفضل نخليها واحد بس ...وبعد كده ..Apply وبعد كده ...start now
كده انتا مرتاح البال التحميلات شغاله واحد ورا التانى مع نفسها ...
وكده احنا خلصنا من موضوع الداون لود ...
================================================== ==============
نيجى بقا لما الملفات اللى حملناها تنزل على الجهاز ...
احنا عندنا انواع كثيرة للملفات والامتدادات مختلفة ...لكن كل اللى ممكن نشرحه دلوقتى الملفات ذات الامتدادات العامة يعنى تنفع لكل انواع الملفات "العاب _برامج _افلام " ....
انتا دلوقتى حملت ملفات على الجهاز ..وطلعت مضغوطه يبقى التعامل معها يبقى ببرنامج الوين رار .....
ايه طريقة فك الضغط ؟؟؟؟
الفيلم اللى حملته مكون مثلا من اربع روابط ....الاول لازم نتاكد ان الروابط كلها بنفس الاسم تيبيكال ما عدا اسم الجزء ....
مثلا :xxxxxx.part1
xxxxxx.part2
xxxxxx.part3
xxxxxx.part4
all the same
تمام ...يبقى نعلم عليهم كلهم وكليك يمين هتظهر نافذة الخيارات نختار extract here
كده المفروض ان العمليه انتهت ...
ايه المشاكل المتوقعة ؟؟؟؟
ان انت تلاقى رسالة تفيد ان واحد من الملفات اواكثر معطوب ...
الحل ؟؟
واحد من اتنين ...فى طريقه اثبتت فعاليتها ..انك تفتح الملف المضغوط هتلاقى فى نافذه القوائم Commands



بعد كده هنجيب Extract to the specified folder بعد كده هنلاقى خيار مش متعلم وهو ...keep broken files



علم عليه صح ....وبعد كده فك الضغط وباذن الله العمليه نتنجح ...
ثانيا ... ان انت تعيد تحميل الملف المعطوب وامرك لله ...
المشكله التانيه رساله تقولك ان الملف الفلانى مفقود ...مش موجود ....؟؟
الحل ؟؟
حاجه من اتنين يا اما انت فعلا ما نزلتش الملف المطلوب و بكده تحمله ....او ان الملف المطلوب انتا حملته بس فى حرف او اكتر مختلفين عن باقى الملفات ...
الحل حاجة من اتنين يا حتطلع محظوظ وصاحب الموضوع اخطا فى تسميه الملف وهنا انتا هتعيد تسميته كما فى الملفات الاخرى ماعدا اخر جزء ...part1 and part2 وهكذا ...
يا اما انت لم تلاحظ الموضوع كويس لان اكيد صاحب الموضوع حط اكتر من سيرفر وحضرتك حملت من سيرفرين مختلفين .. والنتيجه هى اختلاف الاسم والحجم وبالتالى تعيد تحميل الملف ...
ثانيا : هتلاقى ملفات امتداداها .001 و 002 وهكذا التعامل معاها يبقى ازاى ..؟؟
هنلاقى برنامج اسمه 001 file joiner & splitter وهو خاص بتجميع او فك الضغط من هذا النوع من الملفات ...
وهذا البرنامج بسيط جدا فى التعامل وسهل جدا و ليس به مشاكل تذكر ....

================================================== ==============
كده احنا نزلنا الملفات على الجهاز بصورة نهائية ....ايه اللى بعد كده ...نوع الملفات اللى نزلت ...
افلام .........العاب .......برامج ......
================================================== ================================================== ==
اولا : الافلام :
بالنسبة للافلام فان المشاكل بسيطة اذا كانت الترجمة ملصقة بالفيلم ومتوافقة معه بالنسبة للفيلم الاجنبى
فلن تتعدى المشاكل ان يظهر الفيلم وكانه ملف مجهول ...
الحل ؟؟؟
المشكله هى حاجة من اتنين ..اما انك مش مسطب الكوديك المناسب او اى كوديك على الاطلاق .. والكوديك هو برنامج بنسطبه على الجهاز لتشغيل ملفات الصوت والفيديو ...
وطبعا هناك العديد من البرامج مثل ....

k lite codec ....... xp codec .......QuickTime
والعديد من الكوديكات المختلفة ولكن هؤلاء اشهرهم ...
الحاجة التانية هى انك مسطب فعلا كوديك ولكن الصيغة اللى نزلت بيها الفيلم غريبة ..والبرنامج مش واضع الامتداد ده ضم المواد اللى مفروض يشغلها ...
الحل .. كليك يمين على الفيديو وبعد كده "فتح بواسطة" "open with " ..واختار البرنامج اللى انته عاوزه ....
اما المشاكل الحقيقية فى معظم الافلام الاجنبية ..انك تنزل فيلم و تلاقى انه ما فيهوش ترجمة ....!!!!
الحل ..؟؟؟؟
هناك طريقة للبحث عن ترجمة الفيلم ..وهو عبارة عن ملف نصى صغير الحجم لا يتجاوز 1 ميجا بايت ...الملف ده اول حاجة بنلاقيه فين ؟؟
بنلاقيه فى مواقع الترجمة ...ودا موقع منهم وبتعامل معاه دايما ...subscene ...نخش على الموقع ونعمل بحث للفيلم اللى انت عايز له ترجمة ...
هاتظهر صفحة الفيلم ...هتلاقى العديد من الملفات وبترجمات مختلفة ..اولها دايما بتكون بالعربى ...طريقة اختيار الترجمة المناسبة ..
لازم اول حاجة تتاكد من اشباء معينة ...زى ايه ؟
اولا اسم الفيلم بالكامل ..يعنى لو الفيلم اللى انت عاوزه بالطريق دى
The Pink Panther 2[2009]DvDrip[Eng]-FXG
يبقى لازم تكون الاولويه لاسم الفيلم ..يعنى لازم يكون بنفس الاسم بالضبط ..هاتسالنى ليه ؟؟؟
هاقولك ان الافلام انواع ..ولما اقول كده لا اقصد ان الافلام بتختلف من فيلم لاخر ..بل تختلف بنفس الفيلم ...من حيث الجودة ومدة عرض الفيلم
واسم الابلودر ...يعنى ايه الكلام ده ؟؟ وايه تاثيره على ترجمة الفيلم ؟؟؟
تاثيره على ترجمة الفيلم بيكون انه ممكن تلاقى الترجمة سابقة الفيلم ..والعكس صحيح ...
يعنى علشان نتلاشى الموضوع ده لازم تختار الترجمة على اسم الفيلم اللى نازل على الكمبيوتر بالضبط ...اذا لم تجد فاختار الاقرب من حيث الشبه ...
علشان تتفرج على ترجمة جميله متوافقة مع الفيلم ...
حاجة تانية ..فى الموقع بيديلك اذا كانت الترجمة دى مقسمة على جزئين ..بعنى الفيلم الاساسى ليه جزئين Cd1 و Cd2 ...هتلاقى على اليمين موجود عدد السيديهات
..يعنى لو فيلمك عبارة عن سى دى واحد اختار ترجمة بها سى دى واحد ..واذا كان 2 سى دى اختار ترجمة بها 2 سى دى ...
طب الترجمة نزلت على الكمبيوتر ..ازاى اشغلها ..؟؟ بنفك الضغط عن الملف وبعد كده نضعه فى نفس ملف الفيلم ...
عملت كده والترجمة ماشتغلتش ؟؟؟!!...اتاكد ان تسميه الفيلم نفس تسمية ملف الترجمة ..ماعد الامتداد ..
The Pink Panther 2[2009]DvDrip[Eng]-FXG.avi
يبقى ملف الترجمة بيكون كده ...

The Pink Panther 2[2009]DvDrip[Eng]-FXG.srt
دايما ملفات الترجمة بتكون امتدادها srt .sub اغلبها ...
كده هاتشتغل الترجمة مع الفيلم لوحدها ..
شغلت الترجمة لكن خط الترجمة فى الفيلم كبير جدا او صغير جدا ..عايز اظبطه على مزاجى ...؟؟ نعمل ايه ...؟؟
لما الفيلم يشتغل تلقائى فى ايقونة صغير ...عاملة زى السهم الاخضر ..لو ضغطنا عليها كلك يمين ..هاتظهر جميع الخيارات اللى انتا عاوزها بخصوص الترجمة ..
البرنامج ده روعه انصح انك تصطبه على الجهاز وهو فى غايه الروعه فى التعامل مع الفيديو وملفات الترجمة ويمكنك ان تشاهد المقاطع اللى انت عاوزها مع الترجمة
وبه العديد من الخيارات الجميله جدا ..Crystal pro
اول مرة هاتشغل فيها ترجمة ..هتلاقى الكتابه غريبة ...مكن تغيرها الى العربية ..عن طريق اتباع الخطوات الاتيه ..
شغل البرنامج ..وبعد كده اختار ملف الترجمة ...وبعد كده اختار select font ..وهنا ممكن تغير الى العربية ..وتختار حجم الخط ولون الخط .. والطريقة دى بتعملها اول مرة فقط ...
على فكره البرنامج ده فيه خيارات كتيرة جدا لتشغيل الترجمه ..يعنى لو انت بتتفرج على ترجمة ملصوقة فى فيلم ومجبر انك تتفرج عليها ..ممكن تختار ترجمة من على الجهاز ..ولو الفيلم بتاعك شغال على نظام .wide
ممكن تخليهاتظهر اسفل الترجمة الملصوقة فى المنطقة السوداء ..وبكده ممكن تتجاهل ترجمة الفيلم وتتابع الترجمة اللى انت و اضعها..
================================================== =================================
قبل ما اتابع مع الالعاب والبرامج ..فى نقطه لازم اشرحها الاول ..ان فى حاجة مشتركه بين الالعاب والبرامج ..والكثير من الناس لا يعرفون التعامل معها ..وهو موضوع الباتشات والكراكات والكيجن والسيريال نمبر
فكمــا نعلم فإن الشــركات المنتجـة للبــرمجيــات تقــوم بإنـزال نسخ تجـريبيــة Beta إلى الأســواق و ذلك لتشجيع الناس على اقتنائه و تعريفهم به و بمزاياه
لــذا فإنهــا تقــوم بإنـزال هذه النسخ بمده تجــريبية محدده للمستخــدم ثم يتــوقف البــرنامج عن العمــل حتى يتـم شـراء البــرنامج أو تقــوم بحجـب بعض الخــواص التي في البــرنامج
( وعــادةَ ما تكــون مهمــه كحفظ) بغــرض دفــع المستخــدم لشــراء البــرنامج كــاملاً ..
و بما أننا في "دول العالم الثالت" غير قادرين على دفع اثمنة هذه البرامج الجد باهضة لمحدودية دخلنا الشهري فإننا نلجأ للبحت عن الكــراك لتشغيــل البـرنامج ،، و كســر الحمــاية المــوجودة فيها.
يتكــون الكــراك من مجمــوعة من الملفات ( و قد يكــون ملف واحد فقط ) وظيفتهــا فك الحمــاية من البــرنامج و جعله يعمــل دون اللجــوء إلى شــراء البــرنامج ..

و غــالباً مــا تكــون ملفــات مضغــوطه و بصيغة تنفيــذية exe -*-*-*-*-*-*-*
لكــن الســؤال الأهم مــاهو الفــرق بين الكــراك و البـاتش و الكيجن و السيــريال نمبــر ؟
أقول لكم كلها لديهــا هدف واحد و لكــن طـــريقة عمــلها تختــلف ..
- فالباتــش Patch أداة تلصــق بالبــرنامج كالفيروس وظيفتهــا تعطيــل الخيــارات التــي تطــلب من المستخــم التسجيــل والشــراء لفتــح البــرنامج و العمــل على كــافة مميــزاته ,,
- و الـرقم التسلسلي Serial number هي عبــارة عن أرقام يتم وضعهــا في البـرنامج لفتحه و الاستمتـاع بــمزاياه المتعدده و هذه العمليــة تتم و كــانك قمــت بالتسجيـل لدى الشــركة
و دفعت لها المبلغ المطلوب لإعطائك الرقم التسلسلي .
- أمــا الكيجــن Keygen فهــو بــرنامج يقوم بتوليد السيريالات برمجيا.
و بمــا أننــا في مــوضوع الكــراكــ قــد يخطــر على بــالك عن كيفيــة تــركيب الكــراك بكافة أنواعة

بالشكــل الصحيح و السليم لتفعيـل البــرنامج !


طــريقــة تـركيب الكــراك :-

- بعـد فـك الضغط عن الكــراك قـمـ بنسخ كــافة الملــفات المــوجودة في المجـلد ..

- قم بإغلاق البرنامج المراد وضع الكراك فيه ..
- إذهب الى مجـلد البــرنامج C:\Program Files/the program ..
- افتح مجلد البـرنامج ثمـ ألصق ما نسختــه من مجلد الكـراك ..
- اذا أتتك رسالة يتــاكد فيها بأنك تريد الاستبــدال اضغط على ( نعم ) ...
- قم بفتح البرنامج من جديد ..
- إذا لم يحدث اي تغييــر ... فقم بإغلاق البرنامج من جديد و اذهب الى ملف البرنامج
و اضغط دبل كلك على الكراك و اختر patch .. و عد و افتح البرنامج من جديد ..

طــريقـة أستخــدام السيريال نمبـر :-
ــــــــــــــــــــــــــــــــــــــــــــــــــ ـــــــــــ
- ستجــد في خيــارات البرنامج كلمــة register اي بمعنى التسجيــل .. قم بإدخال الرقم ..

طــريقة تثبيــت البــاتش :-
ـــــــــــــــــــــــــــــــــــــــــــــ
نفس طــريقة تــركيب الكــراك .. لكن قد يصادف احياناً بأن الباتش يولد لك ارقام تسلسلية ( serial number )
و هنا يكــون من السهل عليك تركيبها كمـا اوضحت في الاعلى ..

طـريقة تــركيب الكيجــن :-
ــــــــــــــــــــــــــــــــــــــــــــــ
كمــا شــرحت في تعريفه فهــو مولد للارقام التسلسلية .. فبمجــرد الضغط على كلمــة generate سيكــون البرنامج قد ولد لك سيريال نمبــر لاستخدامه في التسجيل ...



ملاحظــة هــامة جداً :-

إن الكــراك قد يكــون سبباً في دمــار جهــازك
لاني و كمــا ذكــرت في الموضوع أنه عبــارة عن ملف تنفيذي exe
و من السهــل إرفاق مــلف تجسس أو فايروس او أي شي قد يلحق الضرر بجهــازك

فالأفضــل و قبل فتح الكــراك بأنواعه فحصه ببرامج الحمــاية ومن ثم تشغيــله.

ان شاء الله يكون الهدف وصل الجميـع.

ملحوظه "استعنت بمحرك البحث كى اكتب هذه المعلومات الخاصة بالباتشات والكيجن والكركات "
================================================== ===================================
الالعاب :
الاول قبل ما تنزل اي لعبة لازم تتاكد ان امكانيات جهازك قادرة على تشغيل اللعبة ..طب اعرف ازاى ؟؟؟
اى واحد بينزل موضوع على لعبة معينة لازم يذكر الامكانيات المتوافقة مع اللعبة لتشغيلها ..
وبيذكر احيانا الامكانيات الاقل لتشغيل اللعبة ..والامكانيات الموصى بها اتشغيل اللعبة ..
minimum system requirements

recommended system requirements

اذا توافقت الامكانيات مع امكانيات اللعبة نزلها ..اما اذا لم تفعل فلا تنزلها ...
وعادة ما تكون هناك ثلاث اشياء رئيسية فى تحديد الامكانيات ...
ram رامات
vga كرت الشاشة
processor المعالج

===============

بعد ما نزلت اللعبة على الجهاز ..هاتلاقى حاجة من تلاته...
اللعبة جاهزه للعب المباشر وليست فى حاجة الى تسطيب ..وده قليل خاصة مع الالعاب الكبيرة ..
اللعبة نازله على هيئة برنامج وفى حاجة الى التسطيب ..وهنا هانسطبها طبيعى ...ولو فى كراك او كيجن او سيريال نمبر اوباتش عرفنا ازاى نتعامل معاهم ..
اللعبة نازله على هيئة اسطوانة ..وهى عادة ذات امتدادات مثل iso, .bin, .img and .cif. uif ....."ملحوظه الامتدادات دى بينفع مع اي حاجة ممكن برامج ممكن العاب ممكن اسطوانات دروس او شرح " والشرح التالى ممكن تستعمله مع ايه نوع من
الانواع "
طب ازاى نتعامل معها ؟؟؟
الملفات دى بتكون نازله علشان تعملها حاجتين ...
1 ..تنسخها على اسطوانة ...وبعد كده تشغلها عادى ..
2..تشغلها ببرنامج السى دى الوهمى ...
والتانيه ليها برامج كتير
Magic Iso Maker ..UltraISO ...
علشان مش كل لعبة تضطر انك تنسخها على اسطوانة ...وعمل البرنامج انك تفتح اللعبة بواسطه البرنامج وبعد كده تنسخها بواسطة البرنامج على سى دى وهمى غير موجود


واللعبة بعد كده هتظهر لك شاشة التسطيب ..واتبع بعد كده الخطوات لتسطيب اللعبة ....

المفترض بعد كده اللعبة تشتغل عادى ..لكن لو ظهرت اى مشاكل ...زى ان اللعبة تظهر كشاشة سوداء ..او طلب منك ملفات معينة غير موجوده لتشغيل اللعبة
وانت متاكد ان امكانيات جهازك متوافقة ..يبقى لازم تنزل البرامج دى وتسطبها ....ويفضل انك تسطبها من الاول سواء ظهرت مشاكل او لا ..لانها تساعد على تحسين جهازك ...

direc x 10

PhysX

Microsoft Visual C++


Games for Windows - LIVE


Net Framework



================================================== ===============================
البرامج :
عادة البرامج ليست بها اى مشاكل اذا اتبعت موضوع الكراكات والكيجن والباتشات بطريقة صحيحة ..
ولكن قد يطلب منك قبل ان تسطب اى برنامج خاصة البرامج المحترمة الخاصة بمايكروسفت ان تكون مسطب برنامج net framework


================================================== ===============================
وفى النهاية ارجو ان يكون هدفى قد تحقق ..وان يكون عضو واحد على الاقل قد استفاد بهذا الموضوع .....


================

والسلام عليكم ورحمة الله وبركاته .............